Erditze aurreko Bidelagun
Aldaketa eta zalantzaz beteriko lehenengo etapa zirraragarri honetan laguntzen zaitugu. Hauek dira eskaintzen dizkizugun zerbitzuak:
Erditze aurreko prestakuntza
- Super elikadura. Ezagutu zein elikagai, infusio eta abar. gomendatzen ditugun haurdunaldi seguru eta hobea izateko.
- Beldurrak. Mamu horiek guztiak ezagutu eta elkarrekin lan egin dezagun hauek kudeatzeko.
- Pelbis librea. Haurra jaiotze prozesuan kanaletik jaisten ari den bitartean egiten dituen mugimenduak erakutsiko dizkizuegu. Gure pelbisak eskaintzen dituen aukera guztiak ezagutu eta erditze-lanetan emaitzak hobetzen laguntzeko.
- Posizioak eta mugimendua. Erditze ona izateko oinarrizkoa. Zure gorputza jakintsua da eta prozesuan zehar posizio onenak hartzera gidatuko zaitu eta posizio bakoitzean zer gertatzen den ere erakutsiko dizugu. Epidurala izan ala ez, fase bakoitzari etekinik handiena ateratzeko.
- Emozioak. Haurdunaldia, erditzea, erditzeondokoa… Emozioz betetako mendi errusiar mendi bat dira. Batzuetan ez dakigu normala den sentitzen duguna edo isiltasunean eraman behar dugun. Hitz egin dezagun honen guztiaren inguruan, ikusiko duzu zure inguruan ehundutako emakumeen sarea oso sendoa dela. Gure psikologo perinatalak hobeto ulertzen laguntzen dizu eta emozio berriak kudeatzeko tresnak eskaintzen dizkizu.
- Indukzioa ekiditeko eta erditzea arintzeko teknikak. Ehundaka urtez Mexikoko emaginak erabili dituzten teknikak eta ariketak egiten ditugu pelbiseko zorua, ligamenduak eta umetokiko muskuluak erlaxatzen laguntzeko eta haurra hobeto kokatzen laguntzeko.
- Bikotearen zeregina erditzean. Nola prestatu erditzea talde moduan? Zer egin dezakezu laguntzeko?
- Erditze Plana. Pausoz pauso joango gara zure beharretara egokitzen den erditze plan bat marrazten.
- Masaje perineala. Nola egin, zure gorputzarekin konektatzeko eta zure anatomia hobeto ezagutzeko jarraibide onenak azalduko ditugu.
- Erditze ondokoa. Askotan ahazten dena! Batzuetan badirudi gure helburua erditzea dela baina ondoren mundu berri, erraldoi eta ezezaguna aurkitzen dugu. Etapa hau behag bezala prestatzen dugu beharrezko laguntza izan eta gozatu ahal izateko.
2 orduko 10 saio + bakarkako kontsulta erditu eta hurrengo 2 hilabeteetan zoru pelbiko balorazioa egiteko eta edoskitzearekin laguntzeko saioa.
Taldeak:
Erditze data: abuztua.
Hasiera: Maiatzak 24.
Erditze data: iraila/urriaren hasieran.
Erditze data: urriaren bukaeran.
Hasiera: Abuztuak 9.
Bikoteentzako erditze aurreko prestakuntza trinkoa
- Haurdunaldia. Gorputza orekatzeko eta postura ohiturak zaintzeko ariketak. Dieta eta super elikadura.
- Haurra postura txarrean edo ipurdiz badator. Teknika naturalak modurik onenean kokatzen laguntzeko.
- Erditzeko estimulazio naturala. Indukzioa sahiestu.
- Belly mapping. Haurra nola kokatzen den eta tripa margotzea.
- Fisiologia eta erditzearen faseak. Zein da ospitalera joateko unerik onena?
- Mina eta beldurra erditzean. Emozio hauek landu oztopa ez dezaten. Baliabide fisikoak eta emozionalak.
- Bikotearen zeregina erditzean. Nola lagundu errespetuz eta modu eraginkorrean.
- Erditzea arintzeko teknikak. Egun handia aurrera errazago eramateko.
- Ekainak 12, 11-19h.
- Ekainak 19, 11-19h.
- Uztailak 10, 11-19h.
AmaBlai
AmaBlai erditze aurreko prestakuntza uretan egin ahal izateko zerbitzua da eta emagin profesionalek eskaintzen dute.
Egungo ikerketek behin eta berriz frogatu dute haurdunaldian zehar neurriz egindako ariketa fisikoak dituen onurak. Hau honela izanik, AmaBlairekin haurdunaldian zehar ariketa fisikoa egiteko aukera eta era berean urak eskaintzen duen grabitate eza uztartzen ditugu. Ura tresna gisa erabilita, gorputza modu eraginkor eta arin batean lantzeko aukera eskaintzen dugu, lesioak jasateko arrisku baxuagoarekin.
Ikastaroa 10 saioz osatuta dago, saio bakoitzak 60 minutuko iraupena du eta astean behin eskainiko da. Saio hauetan indarra, malgutasuna, arnasketa gaitasuna eta bihotz gaitasuna lantzen dira.
Ikastaroan lortzen diren onurak ondorengoak dira:
- Erditze normal bat izateko aukerak areagotzen dira eta zesarea arriskua gutxitzen da.
- Ama eta haurraren arteko lotura errazten du.
- Haurdunaldian zehar arazoak izateko arriskua gutxitzen da; haurdunaldiko diabetesa esate baterako.
- Haurdunaldian zehar ohikoak diren min edo eragozpenak baretzen laguntzen du; esate baterako ziatikako edo bizkar aldeko minak.
- Endorfina gehiago jariatzen dira eta norbere ongizatea eta baita haurrarena ere areagotzen dira.
- Haurraren garunaren garapena errazten du.
- Haurdunaldian zehar sortutako zalantzak, bai haurdunaldiari buruzkoak eta baita erditzeari buruzkoak ere, argituko dira saioetan zehar.
Noiz hasi?
Haurdunaldiko 12.astetik aurrera eta 10 saioko multzoa haurdun dagoen emakumeak nahi bestetan errepikatzeko aukera du. Hilabeteko edozein unetan hasi daiteke. Saio guztiez gozatzeko aukera izango ez balu lehenago erditu duelako, dagokion zatia itzuliko zaio.
Salneurria 10 saioko ikastaroa:
Usabal Kiroldegia bazkidentzat: 125€
Usabal Kiroldegia ez bazkidentzat: 175€
Ordutegia:
1 taldea:
Asteazkena 11:00tatik 12:00etara.
2 taldea:
Asteazkena 12:00tatik 13:00etara.
Lekua:
Usabal Kiroldegia (Tolosa) igerilekuetan.
AmaPrest
Lehenik eta behin azpimarratu nahi dugu emakumeek eta haurtxoek nahi gabe erditzeko gaitasunean konfiantza dugula.
Hala eta guztiz ere, ezin dugu ahaztu gaur egungo gizarteak bereganatutako bizimodu ohituren ondorioz (bizimodu sedentarioa, dieta eskasa, jaiotzeen prozedura eta protokoloak, etab.) maiz beharrezkoa izaten da konfiantza puntu bat erditzeak modu onenean izateko.
Kontsulta honetan egun handira prest eta seguru sentituz heltzeko, ezinbesteko baliabideak eskaintzen dizkizugu. Kontsulta honelakoa da:
- Sabela ukituz haurraren jarrera aztertzea. Egoera onenean ez badator, modurik onenean jartzen saiatzeko baliabideak ematen dizkizugu.
- Masaje perineal bizia egitea, erditze momentuko sentsazioa barneratzeko. Honen helburua zoru pelbikoa ebaluatu eta lantzea da sentsazio hori hobeto ezagutzeko.
- Zeharkako sabelaldea aktibatuz bultzadak egitea. Jakina, emakumeak bultzatzen dakigula uste dugu baina epidurala dagoenean erreflexu hau galdu egiten da. Horregatik, teknika hau lantzea oso lagungarria del ajuste dugu.
Noiz hasten da?
Momentu onena haurdunaldiko 37. astea da.
Salneurria:
60€
Non:
Magale Etxean.
Psikologia perinatala
Ama izan eta familia bat sortzea erabakitzen den momentu beretik hasten da eraldaketa, norbera, bikote eta familian besteak beste, eta une horietarako laguntza, sostengua eta orientazioa da profesional eta emakume naizen aldetik eskaintzen dudana.
Psikologia perinatala, haurdundu baino lehenagotik hasi eta haurraren lehenengo urtearen inguru bitartean ematen den laguntzari deritzo. Laguntza honen helburu nagusia, jaioberri, ama, aita eta familiaren ongizate emozionala lortzea da. Denbora-tarte honetan hainbat zailtasun suertatu daitezke: ama eta jaioberriaren arteko lotura-arazoak, heriotza eta dolu perinatala, erditze zail edo traumatikoak, ernaltzeko tratamenduak, erditze goiztiarrak… Momentu hauetan, ama, bikote eta familian dauden gaitasunak oinarri hartuta, egoerari aurre egiteko baliabideak garatzea bilatzen da.
Bestalde, bizi izan ditudan esperientzietan, aipatutako zailtasunetatik aparte, ohikoa izaten da haurdunaldi, erditze eta erditze-ondokoa idealizatua duten emakume eta bikoteekin topo egitea. Batzuetan, gizarteak berak (familiak, lagunak…), idealizazio hori indartu egiten du, garai horietan suertatu daitezkeen emozioa batzuk (tristura, beldurra, intseguritatea…) negatibotzat hartu eta ekidin nahi dituelako. Hauek guztiak ez dira ez negatiboak, ezta positiboak ere, baina sentimenduak izan badira, eta daukaten balioa eman behar zaie bakoitzaren prozesuan ulertu, onartu eta kokatu ahal izateko.
60€
Masaje perineala
Erditzera joango diren emakumeen kezka handienetako bat perineoko lesioa izatea da. Urradura edo episiotomia bat izatea perineoan. Horregatik, etortzen dira gure kontsultara, masaje perinealaren bitartez hau gerta ez dadin.
- Perineoaren elastikotasuna lantzen du.
- Zure haurra jaiotzean sentituko dituzun presio eta erretze sentsazioak barneratzen lagutzen du.
- Zure gorputzarekin berriro konektatzen lagunduko dizu.
Momentu onena haurdunaldiko 32-34. astea da.
Nutrizio kontsulta
Elikaduraren inguruko informazio asko dagoen aroan bizi gara. Gure gorputza gaitzestera eramaten gaituen informazioa datorkigu uneoro, elikadurarekiko harreman desegokiak sortuz.
Elikadura gorputz itxuratik haratago doa, emozioekin, bizi-ohiturekin, harremanekin, sentsazioekin bat doa. Ikas dezagun iraungitze datarik ez duen elikadura osasuntsua jarraitzen, zure beharretara egokitua.
Dieta kontzeptuak min asko egin digu, ikas dezagun iraungitze datarik ez duen elikadura osasuntsua jarraitzen, ikas dezagun elikadurarekiko harreman osasuntsuak sortzen, ikas dezagun elikadura osasuntsuaz gozatzen, betirako.
- Zurre neurrira egindako elikadura osasuntsuaren aholkularitza, haurdunaldiko etapa ezberdinetara egokitua.
- Zure seme alabek elikadura zuzena izan dezaten formazioa.
- Patologiaren bat duzu eta horien sintomak kontrolatzeko elikadura egokia.
- Antsietate gabe eta modu kontzientean elikatzen laguntzen zaitut.
Ordutegia:
Asteartea 10:00etatik 11:00etara
Osteguna 17:00etatik 20:00etara
Salneurria:
1. saioa 1 ordukoa 50€
2. saioa 1 ordukoa 35€
Jarraipen saioak 45min 30€
Pack bereziak ditugu (deitu informazio gehiago jasotzeko)
Osteopatiako kontsulta
Noiz izan daiteke lagungarri osteopata?
- Haurdunaldian: lunbalgia kasuetan, dorsalgiak, saihetsetako minberak, pelbiseko edo sakraletako minak, errefluxua, idorreria, ipurdiz edo albozka jarrita dauden haurrekin, erditu aurretik pelbisa orekatzeko, aurretik orbainak dituzten kasuak (zesarea, episiotomiak, malkoak, miomektomiak etabar), zoru pelbiko tenkatu edo solteak…
- Erdiondoan: zesareetan edo instrumentalizatutako erditzetan, perineoan orbainak (episiotomia edo urradurak), pelbiseko edo sakraletako minak, zoru pelbiko tenkatua, kirola egiten hasi baino lehen ebaluazioa, sabeleko ariketa hipopresiboa, diastasisa, mina sexuan, etab.
- Haurtxoetan: jaiotza diskotikoetan (zesarea, forzeps edo xurgatzailea), buruko asimetriak edo gorputz adarren mugimenduak, kolikoak, errefluxuak, arnas arazoak, suminkortasuna, zurrupatzeko edo irentsteko arazoak, etab.
Ordutegia:
Asteartea 15:00etatik 19:30etara
Sexologia kontsulta
Norbanako zein bikoteak etor daitezke. Sexuarekin zer ikusia duten gaiak lantzeko izango da txoko hau, geure erotika, bikote harremanak, kitzikiak , desirak… Helburua geure izate sexuatarekin ahalik eta ondoen eta lasaien bizitzea izango da, azken finean geure izatearen zati garrantzitsua baita.
Ordutegia:
Asteartea 10:00etatik 11:00etara
Osteguna 17:00etatik 20:00etara
Yoga haurdunaldian
Haurdun dauden emakumeak betetasun momentuan daude eta haurdunaldian yoga programaren bidez, erditzerako fisikoki eta mentalki presta daitezen nahi dugu. Horrek haurdunaldiko ohiko ondoeza arindu edo ekidin dezake, hala nola zirkulazio arazoak, lunbalgia eta zetiko mina, muskulu-karranpak, digestio ondoeza etab. Hori lortzeko, yoga tresna propioekin lan egiten dugu: asanak, arnasketa, meditazioa, erlaxazioa, bistaratzea eta abar.
Bestalde, uste dugu haurdunaldia norberaren ezagutza eta eraldaketarako aukera paregabea dela. Aukera hori heltze pertsonaleko prozesuan aurrera egiteko erabili behar da. Prozesu honen laguntza gisa, hausnarketa saioak egiten dira normalean gehien arduratzen duten gaietan. Hau guztia beti ere taldearen laguntzarekin eta irakaslearen parte-hartzearekin. Gainera, haurrarekin komunikatzeko aukera dugu.
Ordutegia:
Astelehenetan 19:30 – 21:0h.
Asteartetan 9:45 – 11:15h.
Salneurria:
1 saio astean, 50 €/hilean
Pilates haurdunaldian
Pilatesak bai haurdunaldiko baita erditze garaiko arnasa ere ulertzen eta kontrolatzen lagunduko digu, honek gure atsedena hobetuko du.
Prozesu osoan garrantzitsua da zoru pelbikoa indartzea (lumbopelvic egonkorra izateko). Horrez gain, bizkarrezurraren muskuluek postura hobea izatea erraztuko digute. Gorputzak bizitako aldaketetara moldatzeko gai izango gara; zerbikaletako eta lunbarretako muskulu-tentsioak esaterako. Odol zirkulazioa hobetzeaz gain, malgutasuna, norberaren ezagutza eta gorputzaren kontrola lortuko ditugu.
Ordutegia:
Asteazkena 18:00etatik 19:30etara
Salneurria:
1 saio astean, 65 €/hilean
